2017 жылдың 23 қыркүйегінде №12 жалпы білім беретін орта мектеп  мұғалімдерімен мәтінмен жұмыс жүргізудің тиімді жолдарын  анықтау  әрі әдістемелік көмек көрсету мақсатында «Мәтінмен жұмыс жасау жолдары» тақырыбында  коучинг- семинар өтті.

«Оқытушы өз шеберлігін шыңдағанда ғана  мұғалімі», «Жақсы адам табиғатынан емес, жаттығулардан жасалады» деген қағиданы ұстай отыра, коучинг барысында мәтінмен жұмыс жасауда қолданылатын жұмыстар мен стратегиялар төңірегінде ой бөлісе отырып, тәжірибе түрінде жаттығу жұмыстарын өз бойларынан өткізіп, теориялық білімдерін шыңдай түсті.

Ой қозғау кезеңінде топтық жұмыстар негізінде мәтінге қатысты сұрақтармен ой бөлісті. Негізгі бөлім кезінде шығармашылық тапсырмаларды орындаумен  жаттықты. Аталған ісшара барысында  мектеп мұғалімдері «тұжырымдамалық кесте», «берілген сөйлемді негізге ала отырып мәтін құрастыру», «4 сөйлем тәсілін» басшылыққа ала отырып, алған білімдерін дәлелдей білді. Оқушының бойында айтылым, жазылым, тыңдалым, оқылым дағдыларын қалыптастыру үшін қолданылатын әдіс- тәсілдер жайлы  теориялық білімдерін толықтырды.

    Коучингті өткізген жоғары деңгейдегі жоғары санатты, ІІ негізгі деңгейлі қазақ тілі, әдебиеті пәнінің оқытушысы   Жакенова Кенжегуль Абдрасилкызы