Мақсаты: Оқушыларға қазақ халқының ұлы мерекесі Наурыз мейрамы жөнінде түсінік бере отырып, халқымыздың салт-дәстүрін бойларына дарыту арқылы, шынайылыққа, адамгершілікке, ұлтжандылыққа тәрбиелеу. Мазмұны: Бүкіл тіршілік аталуының түрленіп, жаңаруы паш етіледі. Мейрамның ең қадірлі дәмдері мен қасиетті сөздері кеңінен насихатталады. 16.03.2017 күні мектебімізде 5-7 сыныптар арасында Наурыз мерекесіне арналған ауқымды іс-шара өтті. Оқушылар ата-бабадан жеткен халқымыздың тамаша жоралғылары мен дәстүрлері арқылы "Наурыз" мерекесінде күн мен түн теңеліп, жергегі көкке жан бітіп, жан-жануарлар төлдеп, адамдардың ауызы аққа тиетін, тоң жібіп, Жер-Ана бусанатын, қыстан аман шыққан шаруа адамының арқасы кеңіп, қолынан айыр-күрегін тастамайтын, ерекше күн деп саналатынын білді. Оқушылар ұлттық киімде тамаша өнерлерін ортаға салып, қазақтың ұлттық ойындарында нақашына келтіріп көрсетті. Ортада ән айтылып, күй ойналып, би билеген ұл-қыздарымыз кешті жандандыра түсті. Кештің қонақтары дастарханнан түрлі қазақтың ұлттық тағамдары мен Наурыз көжеден ауыз тиді.
Байланыс телефондары
