Қазақ поэзиясының Хантәңірі,«ғасыр ақыны», қазақтың қара өлеңін қасиет санаған М.Мақатаевтың сыршыл  шығармалары оқырманын бейжай қалдырмасы анық. Сондай тағылымды сабақтың бірі- «Аққулар ұйықтағанда» поэмасын талдау  сабағы.

Поэма мазмұнымен таныса отырып, ана бейнесін ашу, оқиғаға баға беру , тақырыпты меңгеру дағдыларын қалыптастыру мақсатын көздеген сабақ  нәтижелі өтті. Жоспарланған іс-әрекеттер оқушылардың білімді өз беттерінше меңгеріп ,сыни тұрғыдан баға беру,пікірлерін білдіруге ықпал етті.Сабақ тіл мен өнер,биология пәні  бойынша пәнаралық байланыста өтілді.СТО технологиясы бойынша өтілген  сабақтың қызығушылығын ояту сатысында «Сурет арқылы болжау» ,«БҮҮ», мағынаны тану сатысында «Кинометафора»,«Жіңішке, жуан сұрақтар» ,ойтолғаныс сатысында «Шежіре ағашы», « Кейіпкер орнында болсам...» стратегияларын қолдану тиімді болды.