Бүгін қыркүйек  айының 15-і күні,  № 12ЖББОМ-да «Дарынды және талантты  балаларды оқыту» тақырыбында  мектеп  мұғалімдеріне  арналған коучинг-семинар өтті. Коучингті  биология пәнінің пәнінің жоғары санатты мұғалімі   Г.М.Мусаева өткізді.

Коучингтің негізгі мақсаты: Мектеп мұғалімдерінің дарынды балалармен жұмысында жаңа педагогикалық технологияларды тиімді қолданулары, бала дарындылығының ашылуы мен дамуына ықпал жасауы бойынша кәсіби деңгейлерін көтеру және оларды мақсатқа бағытталған ұйымдастыру жұмыстарына баулу. Инклюзивті білім беру туралы түсінігін қалыптастыру.

Күтілетін нәтиже:  Мұғалімдер заманауи білім беруде дарынды және талантты балаларды оқыту және анықтау жолдары туралы  ақпарат алады, олармен жүргізілетін жұмысты жоспарлау әдісімен танысады, болашақта өз тәжірибелерінде  қолдануға бейімделеді.

Коучинг барысында:

Әншілер, ақындар, әртістердің есімдері арқылы қатысушылар үш топқа бөлінді. Мәтінді оқып , «Ара» стратегиясы арқылы түсінгендерін ортаға салды. Постер қорғады. Бейнекөрсетілімдер тыңдату арқылы, 

Қайсы  бала дарынды? Қайсы баланы  талантты деп ойлайсың? -деген сұрақтар төңірегінде пікірлерімен бөлісті.

Үш түсті  жапыраққа мектептегі дарынды және талантты балалар, талантын аша алмай жүрген оқушыларды анықтау мәселелері жайлы  тапсырмалар орындады.

Коучингте  соңында «бағдаршам»әдісі арқылы  тақырыпты қаншалықты түсінгендерін ортаға салып ,соңында кері байланыс жүргізілді.