Үш күн бойы аталып өтілетін Құрбан айт мейрамының барша мұсылмандар үшін мән-маңызы аса зор, өнегесі өзгеше.Бұл Алла разылығы құрбандық шалып, кедей әрі мұқтаж жандарға қамқорлық жасайтын, адамдардың бір-біріне ізгі ниеттер тілеп, бір-бірінің көңіл-күйін көтеріп, ренжітіп алған кездері болса кешірім жасасатын мейірім күні.

 Жүректерге  қуаныш ұялататын сондай игілікті шара Теміржолшылар мәдениет сарайында болып өтті. Мерекелік концертке қатысқан мектеп оқушыларына имандылық ,мейірім,адамгершілік  тақырыбында тағылымдық  әңгіме қозғалды. Ақсақалдарымыз Әбікен Хасенов пен  Сәдуақасов Қайролла  шертпе күйде ойнау шеберліктерін көрсетсе,қажы Калгужинова Бақытжамал апай жастарға ақ батасын берді. Фойеде қатысушыларға ақ дастархан жайылды. « Отанды сүю иманнан» демекші, шырқалған ән, оқылған өлең  Отанды сүю ,оған адал қызмет ету ,ар сақтау сияқты асыл қасиеттерді  жас жеткіншектер бойына сіңіруге  ықпал етер  деген ойдамыз.