1 наурыз- Алғыс айту күні

Биыл мемлекетте ұлттар татулығы мен бірлігін жаңа деңгейге көтеретін ерекше мереке пайда болды.1 наурыз Елбасының Жарлығымен Алғыс айту күні болып бекітілді. Осы мерекеге орай 6а сыныбында «Алғыс айта білеміз бе?»  атты сынып сағаты болып өтті. Шара  оқушылардың елімізде өмір сүріп жатқан ұлыстар достығына, түрлі ұлт өкілдерінің тарихына қызығушылығын оятып , азаматтық -патриоттық көзқарасының қалыптасуына ықпал етті.

«Шаттық шеңбері»  арқылы  психологиялық жағымды көңіл күй орнаған соң,топтық жұмыста алғыс, кімге арналатындығы, мерекенің себептері тарихи деректермен байланыста талданды.

Сабақ соңында оқушылар «Тілек»  ағашына өз алғыстарын ілді. Онда Елбасынасындарлы саясаты үшін, ата-бабағаұлан байтақ жерді қорғап,ұрпағына қалдырған мол  мұрасы үшін, қазақ халқына қонақ жайлығы мен кеңпейілділігі үшін, анаға – өмір сыйлағаны үшін, әкеге – қорған болғаны үшін, ұстазға – тәрбие мен білімі үшін, Аллаға жаратқаны үшін, далаға – гүлдері мен көк шалғыны үшін, сөзге – жанды жылытатыны үшін,күнге – шуағы мен назары үшін, жұлдызға – қараңғы түндегі жарығы үшін,досқа – құшағы мен иығы үшін, әжеге – ыстық алақаны үшін, суға – тіршілік көзі болғаны үшін,жерге – махаббаты мен мол өнімі үшін,отқа – жылулығы үшін  т.б жүрекжарды алғыстарын білдірген.