Қалалық білім бөлімінің жоспарына сәйкес «Оқушы мен мұғалім арасындағы ынтымақтастық» атты семинар болып өтті. Мақсаты: ұстаздардың оқушылармен тиімді жұмыс жасау және өзара ынтымақтастық қарым- қатынастарын анықтау, негативті ойлауды төмендету және оны оң эмоционалды жағдайға айналдыруға ықпал ету.
Семинарды ұйымдастырушылар: №10 ЖББОМ пен №12 ЖББОМ қазақ тілі, әдебет пәні мұғалімдері .
Семинарға қалалық білім бөлімінің әдіскері Г. Б. Жаркеева, «Өрлеу БАҰО » АҚ аға оқытушысы Сүлейменов М және қала мектептерінің ұстаздары қатысты.
№12 ЖББОМ мұғалімдері А.К. Елеусизова, Ә.Ж.Арыстанбекова оқушылардың әдебиет пәнінен алған білім-білік дағдыларын қолдана білуге, көшбасшылық қабілеттерінің, тұлғалық қасиеттерінің қалыптасуына ықпал ету, өзара ынтымақтастыққа тәрбиелеу мақсатында «Әдебиет әлемінде» сыныптан тыс сабағын өткізді. 4 кезеңнен тұрған сайыс екі мектеп оқушылары арасында аса тартысты өтті. Қазылар алқасының шешімі бойынша №12 мектеп «Жас өркен» командасы жеңіске жетті.
Әріптестер өткізілген шараны жоғары бағалады. «Ұстаздардың қосымша әдебиет оқыған шәкірттерді тез аңғарып, оларды өнер түрлеріне тартуы (мәнерлеп оқу, сахналық қойылым), қолдауы – кәсіптік ұнамды сапаларының бірі»-, деген пікір білдірді.
Контакты