Қаңтар  айының 6-сы күні  №12 жалпы  білім  беретін  орта  мектепте  «Мектептегі жаңа форматтағы жұмыс – бүгінгі күн талабы»  тақырыбында  педагогикалық  кеңес   болып  өтті.
      Күн  тәртібінде   төмендегідей мәселелер  қаралды:
 1. І жартыжылдықтағы оқу-тәрбие жұмысының қорытындысы бойынша  талдау және алдағы міндеттер;
 2. Жаңа тәсілдер сапалы және табысты оқыту негізі;
 3. 1-сыныптарды зерттеу нәтижелерінің қорытындысы.
   Мектеп  директоры А.Т. Тусупова, директордың  оқу – тәрбие   жөніндегі   орынбасарлары  С.Е.Қасенбекова, А.Ф. Қабылова   І жартыжылдықтағы  білім сапасын, пәндер  бойынша  алынған  бақылау  жұмыстарының  нәтижесін, атқарылған  ісшараларды қарастыра   отырып,  білім берудің осал жақтарын анықтау,  келешекте кездесетін қиыншылықтарды реттеу, оқыту  үдерісінің жағдайларын жетілдіру мақсатында  білім  сапасына, білім беру  жағдайына  талдаулар  жасады.
     Пән мұғалімдері білім  берудегі  қиындықтар, үлгерімі   төмен оқушылармен   тиімді жұмыс жасау  жолдары, оқушылардың пәнге  қызығушылығын арттырудың әдіс- тәсілдері туралы  ойларын  ортаға салды.
    Директордың   оқу-тәрбие  жөніндегі  орынбасарлары  Оспанова Б.Қ. Қожахметова Г.М. тәрбие салалары  бойынша  атқарылған   жұмыстарға  тоқталып , жұмыстағы  жетістіктерді  атап  өтіп, кемшіліктерді   жою  жолдарын  ортаға  салды.
 Жаңа тәсілдер сапалы және табысты оқыту негізі тақырыбы  бойынша биология, химия пәндерінің мұғалімі А.Н.Кожаева, физика пәнінің мұғалімі С.Қ.Қайыркелдина, бастауыш сынып мұғалімі А.К.Ботабекова  ұйымдастыруымен жаңа форматты оқытудың әдіс-тәсілдерін топтық жұмыс нәтижесінде талдау жүргізді, қорытынды жасалды.