04.12 күні 10 «Б»  сынып  оқушыларымен  Ы.Алтынсариннің  «Әке мен бала», «Атымтай Жомарт»  әңгімелері тақырыбында ашық сабақ өтті.

Сабақтың мақсаты:Оқушылардың Ыбырай өмірі мен шығармашылығын қалай меңгергендігін пысықтау; әңгімелерінің тақырыбын ашу.Оқушылардың шығармашылық қабілетін дамыту, ойын ашық айта білуге және өз пікірін қорғай білуге баулу.

Ашық сабақтың ұйымдастырукезеңінде мұғалім оқушыларды түгендеп, сыныптың сабаққа дайындығын тексерді.Мұғалім оқушыларды «Еңбек», «Талап», «Қанағат» топтары бойынша отырғызды.

Мұғалім жаңа сабақ пен өткен сабақты байланыстыру мақсатында «Қарға», «Суреттер сөйлейді» стратегияларын пайдаланды.Сабақ барысының «Даналық ағашы» оқыта үйрету ойыны арқылы оқушылардың  сабаққа ынтасы,қызығушылықтары артты.

Сабақты бекіту барысында «Синквейн-бес жолды өлең» арқылы оқушылардың  шығармашылық қабілеттерін дамыта отырып, ойын ашық айта білуге және өз пікірін қорғай білуді үйренді.