«Әлем нақты ғылымдар »  атты  математика, физика, информатика пәндері апталығы  аясында  «Арифметикалық прогрессияның алғашқы п мүшесінің  қосындысы»  тақырыбында 9 «В»  сынып оқушыларымен ашық сабақ болып өтті.

Мақсаты:  Оқушыларға арифметикалық прогрессияның алғашқы п мүшесінің  қосындысына есептер  шығарғанда  формуланы және қасиеттерін қолдануға үйрету.

Ашық сабақтың ұйымдастыру кезеңінде мұғалім оқушыларды түгендеп, сыныптың сабаққа дайындығын тексерді.Мұғалім  формулалар бойынша оқушыларды 3 топқа бөліп отырғызды.
Мұғалім жаңа сабақ пен өткен сабақты байланыстыру мақсатында  ауызша есептер шығарта отырып, жаңа сабаққа бар күш-қайратын салуға шақырып жаңа сабақты түсіндірді.
Оқушылар мен мұғалім арасында тығыз байланыс қалыптасқан.
Сабақ барысының «Ой қозғау» кезеңінде «Сен маған , мен саған»,»Кім жылдам» ойындары арқылы оқушылардың сабаққа ынтасы , қызығушылығы артты, белсенділігі байқалды. Ұлы ақынымыз Абай Құнанбаевтың туғанына 170 жыл толуына байланысты есептер шығару арқылы қазақ әдебиеті пәнімен байланыстырды.
Оқушылар  өзі-өзін бағалады. Мұның өзі оқушының өз-өзіне деген сенімділігін туындатады және бұдан да үлкен нәтижеге қолын жеткізеді.
Математика пәні өмірмен тығыз байланысып жатты. Техникалық құралдар мен көрнекіліктерді тиімді пайдаланды.Бұл жұмыстар мұғалімнің ұйымдастыру қабілетінің жоғары екендігін байқатты.
Біз куә болған сабақта мұғалімнің оқушыларды ойын элементтерін жүйелі пайдалануы арқылы бала жадын қалыптастыруға қол жеткізуге болатынын түсіндік.

Өткізген бірінші санатты математика пәнінің мұғалімі: Нурманбаева Бейбитгуль Аманжоловна