«Әлем нақты ғылымдар тілінде»  атты апталық аясында және  «Жаңа тәсілдер – сапалы табысты оқытудың негізі» атты әдістемелік айлық аясында жас мамандарға әдістемелік көмек беру мақсатында, желтоқсан айының 2 күні 9 «Б» сыныбында алгебра пәнінен «Арифметикалық прогрессия. Арифметикалық прогрессияның n-ші мүшесінің формуласы» тақырыбында ашық сабақ болып өтті.

Сабақтың мақсаты:  Арифметикалық прогрессияның кез-келген мүшесін және тізбек  мүшесінің реттік нөмерін, нөлге жақын орналасқан мүшелерін, қанша оң таңбалы және теріс таңбалы мүшелерін анықтауда n-ші  мүшесінің формуласын тиімді қолдана білуге бағыттау, есептерді  шығару кезінде есептің берілуін және қалай шығаратындығын  сыни тұрғыдан ойлауға, білімдерін жүйелеп, тиянақтауға   дағдыландыру;

Сабақта СТО технологиясының элементтері, АҚТ әдіс-тәсілдері қолданылды. Психологиялық ахуал тұңғыш президент күні туралы мәліметпен байланыстырылып, оқушыларды елжандылыққа, елін-жерін сүюге баулуға, қызмет етуге, патриоттылыққа тәрбиелеуге бағытталынып, тілектер айтылып, көтеріңкі көңіл сыйлаумен басталды. Үй тапсырмасы тиімді әдіспен тексеріліп, қайталау сұрақтары activote шебер тестілеуші құралы арқылы жүзеге асты. Сабақ барысында оқушылар деңгейлік тапсырмалар орындады. Сергіту сәтінде «Домино» ойыны тақырыпқа сай, белгілі бір заңдылыққа сүйеніп, сөздер тізбегін құрастыру арқылы орындалды. Сабақ соңында оқушылар өз әсерлерін қағаз бетіне түсіріп, блоб ағашына орналастырып, рефлексия жасады.

Пән мұғалімі: А.Ф.Кабылова