Қараша айының 6-сы күні №12 жалпы білім беретін орта мектепте «Оқушыларды ҰБТ-ға дайындау жолдары, нәтижеге қол жеткізу» тақырыбында педагогикалық кеңес болып өтті.
Күн тәртібінде төмендегідей мәселелер қаралды:
1. 1-ші тоқсандағы оқу-тәрбие жұмысының қорытындысы бойынша талдау;
2. Оқушыларды ҰБТ-ға дайындау жолдары, нәтижеге қол жеткізу;
3. Деңгейлік бағдарламалар бойынша курста оқуға үміткер педагог қызметкерлердің құжаттарын қарау.
Мектеп директоры А.Т. Тусупова, директордың оқу – тәрбие жөніндегі орынбасарлары С.Е.Қасенбекова, А.Ф. Қабылова 1-ші тоқсандағы білім сапасын, пәндер бойынша алынған бақылау жұмыстарының нәтижесін, атқарылған ісшараларды қарастыра отырып, білім берудің осал жақтарын анықтау, келешекте кездесетін қиыншылықтарды реттеу, оқыту үдерісінің жағдайларын жетілдіру мақсатында білім сапасына, білім беру жағдайына талдаулар жасады.
Пән мұғалімдері білім берудегі қиындықтар, үлгерімі төмен оқушылармен тиімді жұмыс жасау жолдары, оқушылардың пәнге қызығушылығын арттырудың әдіс- тәсілдері туралы ойларын ортаға салды.
Директордың оқу-тәрбие жөніндегі орынбасарлары Оспанова Б.Қ. Қожахметова Г.М. тәрбие салалары бойынша атқарылған жұмыстарға тоқталып , жұмыстағы жетістіктерді атап өтіп, кемшіліктерді жою жолдарын ортаға салды.
Оқушыларды ҰБТ-ға дайындау жолдары, нәтижеге қол жеткізу тақырыбы бойынша қазақ тілі пәні мұғалімі Жакенова К.А, орыс тілі пәні мұғалімі Маселов Ж.К., математика пәні мұғалімі Нұрманбаева Б.А., тарих пәні мұғалімі Аукенова Ж.О. өз іс- тәжірибелері бойынша тиімді әдіс тәсілдерді пайдалану туралы тоқталды.
Мектеп директоры А.Т. Тусупова ҚР Білім және ғылым министрінің 2015 жылғы «9» шілдедегі №447 бұйрығымен бекітілген «Педагог кадрлардың біліктілігін арттыруды ұйымдастыру жөніндегі нұсқаулық» туралы таныстырды .Деңгейлік бағдарламалар бойынша курста оқуға үміткер педагог қызметкерлердің құжаттары қарастырылып , курсқа ұсыну туралы шешім қабылданды.
Контакты
