Ұстаздарға әдістемелік көмек мақсатында 9 «В» сыныбында қазақ әдебиеті пәнінен «Қазыбек би» тақырыбында ашық сабақ өтті.

    14.10.2015ж. күні 9 «В» сыныбында қазақ әдебиеті пәнінен   «Қазыбек би» тақырыбында ашық сабақ өтті.  Пән мұғалімі Тусупова Ардақ Тлеужановна.
     Мақсаты: Оқушыларға қазақтың аса айбынды    билерінің бірі - қаз дауысты Қазыбек бидің  тарихтағы  орны мен шешендік сөздерінің шығу тарихын меңгерте отырып, іздену, ойлау, есте сақтау, шығармашылық қабілеттерін арттыру, тарихи тұлғалардың өмірі мен шешендігін терең меңгерту арқылы адамгершілікке, тарихын, әдебиетін құрметтеуге тәрбиелеу.
     Сабақтың эпиграфы
«Барлық қазына бабалардың даналық сөздерінде, әр халық өздерінің асыл мұраларын бағаламай, әлемдік мәдениетке жете алмайды»
                                                                                                                     М.Әуезов. 

     Мақсаттарыңа жеткенше
     Маңдай терлерің сел болсын деген Төле би бабамыздың батасын тыңдай отырып көңіл-күйлерін көтерген оқушыларымыз сабақ барысында түрлі стратегиялармен жұмыс жасады. Оқушылардың белсенді ойлау қабілеттерін дамытып, шығармашылыққа баулитын интерактивтік тәсілдер - миға шабуыл, кластер, INSERT, «Эссе» немесе «Еркін жазу», семантикалық карта, РАФТ /роль, аудитория, форма, тақырып/, жұппен, топпен жұмыс, рөлдік /іскерлік/ ойын, пікірталастар, жағдаяттарды шешу, рефлексия қолданылды.                        Әдебиет сабағында  қолданылған осы әдіс-тәсілдер:
•    Оқушы тұлғасының танымдық қабілеттерін дамытуға;
•    Оқуға жағымды қызығушылық қалыптастыруға;
•    Белсенді сөздік қорын, ауызша және жазбаша тілін ұстартуға;
•    Тұлғаның қиындықтарға даяр  болу және оны білу, қарым-қатынас, ойын,
танымдық, өзін-өзі бекіту  қажеттіліктерін қанағаттандыруға ықпал етті.