№12  жалпы  білім  беретін  орта  мектебінде  ұстаздар  қауымының   кәсіби  мерекесіне  орай  «Ұстаз – ұлы тұлға»  атты  салтанатты  іс – шара  өтті.  Мектеп  директоры  А.Т.Тусупова  құттықтау  ыстық  лебізімен  бастап,  білім  беру  мен  тәрбиелеуде  жемісті  жетістіктерімен  көрініп  жүрген  ұстаздар  қауымын  марапаттаумен  жалғастырды.
Сонымен  қатар,  салтанатты  мерекеге  мектебіміздің  ардагер – ұстаздары  шақырылды.  Кәсіподақ  ұйымының  төрайымы  М.Е.Маханова  ардагер – ұстаздарды  мерекемен  құттықтап,  сыйлықтар  табыстады  және  мектептегі  қоғамдық  жұмыстарға  белсене  араласып  жүрген  ұстаздарды  марапаттады.  Салтанатты  мерекенің  соңы  биылғы  жылғы  мектеп  түлектерінің   ән – шашу  бағдарламасына  ұласты.