Бүгін, қыркүйектің  25-і  күні,   № 12 жалпы білім беретін орта мектептің    қазақ тілі, әдебиеті пәнінің  оқытушысы   Жакенова  Кенжегуль  Абдрасилкызы қазақ  тілі  және  қоғамдық  пәндер  бірлестігінің  апталығына  орай  8 «А» сынып  оқушыларымен қазақ тілі пәнінен «Жаңашыл оқыту әдіс - тәсілдері негізінде бұйрықты сөйлемнің жасалу жолдарын меңгерту» тақырыбында ашық сабақ өткізді.  Сабаққа мектеп директоры  А.Т.Тлеужановна,  оқу ісінің меңгерушісі  А.Ф.Кабылова  және мектептің  әр пән бойынша мұғалімдері  тәжірибе алмасу мақсатында  сабаққа қатысты.

       Сабақтың негізгі мақсаты: бұйрықты сөйлем туралы оқушылардың түсініктерін кеңейте отырып, грамматикалық белгілерін меңгерту болса, тапсырма түрлері арқылы оқушылардың коммуникативті және ақпараттық құзіреттіліктерін дамыту, өз бетінше тақырыпты меңгертуге бағыттау , өзін –өзі басқара білуге дағыландыру , сыни көзқарастарын қалыптастыру,  оқушылардың бойындағы талант, қабілеттерін ашу  міндеті қойылған болатын. Сабақ барысында оқушылар аталған мақсаттар мен  міндеттерді игере білді. «Жан қиналмай жұмыс бітпес», «Шын талант сынақта сыналады» дегендей , сабақта әр оқушы өз қабілеттерін көрсетті.  Сабақтың әр кезеңінде  сынып оқушылары  түрлі стратегиялармен жұмыс жасады. Үй жұмысын қорытындылау  кезеңінде «Тақырыптық түйінді стратегиялар», Венн диаграмасы, «Парасатты диалог» әдісі бойынша сабақты қорытындыласа, жаңа сабақты талдау кезеңінде «KWL» кестесі, «Зерттеушілік әңгіме»  топтық жұмыстар негізінде жаттығу жұмыстарын талдау, сергіту сәтінде оқушылар «Жұмбақ шарда» жасырынған тосын тапсырмаларға жауап беру негізінде  өз шеберліктерін  дамыта білді.   Шынайы бейнелеп көрсету арқылы көңіл-күйлерін де көрсете білуге талпыныс   жасап жаттықты. Рефлексия кезеңінде  «Кезбе тілші» стратегиясы бойынша телестудиядағы диктор ретінде сабақ бойынша қорытынды  ақпарат беруде сынып оқушы Ақбергенова Роза, жас журналист ретінде Айша ерекше көзге түсті.  

       Сабақтың табыстылық өлшеміне келетін болсақ, топтық жұмыстар негізінде оқушылар ынтымақтастықта жұмыс жасады, жаңа тақырыптың ерекшеліктерін мысалдарды талдау бойынша ажырата білді.  Кей оқушыларымыз өздерінің көшбасшылық қабілеттерімен танылды.  

      Сабақ өз дәрежесінде өтті.