15 мамыр күні мектеп жиын залында 1-11 сыныптардың ата-аналарымен «Оқушыларды жазда сауықтыру және бос уақытын дұрыс ұйымдастыру» тақырыбында  жалпы мектепішілік ата-аналар жиналысы өтті.

         Күн тәртібіндегі І мәселе бойынша директордың оқу-тәрбие ісі жөніндегі орынбасары А.Ф.Кабылова 2014-2015 оқу жылының ІІ жарты жылдық қорытындысын және қорытынды аттестаттау жайлы айтты.

        ІІ жартыжылдық бойынша оқушылардың жеткен жетістіктерімен директордың тәрбие ісі жөніндегі орынбасары Б.К.Оспанова слайд арқылы көрсетті.

     ІІ мәселе бойынша директордың тәрбие ісі жөніндегі орынбасары Г.М.Кожахметова «Жаз-2015» бағдарламасы төңірегінде сөз қозғап, жалпы «Балауса» сауықтыру лагерінің алдағы жұмыс жоспарымен  таныстырып өтті. Осы тақырыптың жалғасын  «Айтуға оңай»бағдарламасы түрінде мектебіміздің өзін- өзі тану пәні мұғалімі А.Н.Кожаева жалғастырып, студия қонақтары боп шыққан ата-аналарымен оқушылардың бос уақытын ұйымдастыру мақсатында әңгіме өрбітіп, пікір алмасты. Бағдарлама соңын мектеп психологы Ә.Сулеймен «Австриялық жаңбыр» тренинг жаттығуымен аяқтады. 

      ІІІ мәселе бойынша сөз алған мектеп директоры А.Т.Тусупова мектеп ата-аналарын Отбасы күнімен құттықтап, балаларының оқуы мен тәртібіне көңіл бөліп, мектеп өміріне белсенді араласып жүрген біршама ата-аналарды алғыс хатпен марапаттады.

Жиналыс соңы мектеп оқушыларының мерекелік бағдараламасына ұласты. Мектеп ата-аналары ризашылықтарын білдіріп, көтеріңкі көңіл-күйде тарасты.