«Жаңашылдық -заман талабы»

 09.04.2015 күні №12 ЖББОМ-да «Жаңашыл оқыту-әдіс- тәсілдерін оқу процесінде  қолдану» мақсатында  10 «В» сыныбында қазақ әдебиеті пәні бойынша  қалалық ашық сабақ өтті.

Сабақтың тақырыбы: Жаяу Мұса Байжанұлының өмірі мен шығармашылығын жаңашыл оқыту әдіс- тәсілдері арқылы оқыта отырып меңгерту.

  Сабақты өткізуші–жоғары санатты және ІІ негізгі деңгейлік курсты  бітірген қазақ тілі, әдебиеті  пәнінің мұғалімі - Жакенова Кенжегуль Абдрасилкызы

   Мектебіміздегі  ашық сабақтар мен семинар сабақтардың өтілуі оқытушыларға теориялық білім беру мен оқушылардың функционалдық сауаттылығын қалыптастыруда қазақ тілі, әдебиеті және жалпы мектеп оқытушыларының кәсіби  құзыреттілігін дамыту әрі  тәжірибе алмасу мақсаты болды.

   Ашық сабаққа  тәжірибе  жинақтау, жаңашыл оқыту әдіс- тәсілдерін жас ұрпаққа білім беруде қолдану, жаңашылдыққа бет бұру мақсатында мектебіміздің  оқытушылары  мен қала мектептерінің мұғалімдері (№4 НОМ мен №92 гимназияның мұғалімдері) қатысты.  Сабақ барысында белсенді жеке тұлғаға бағытталған оқыту тәсілдерінің ішінен «Сократтық оқу семинары»,   «KWL» кестесі, «Граффитти» әдісі, поэзиялық  шығармаларға сатылай комплексті талдау , шығарма авторына РАФТ стратегиясы бойынша хат жазу, «Екі жақты күнделік»  стратегияларымен қатар «Кезбе тілші» секілді оқушылардың қиялы мен шығармашылық деңгейін дамытатын  стратегиялармен танысты. Оқушы білімін бағалау түрлері жайлы да («Әңгімелесетін әріптестер»,  «Бас бармақ» , «Екі жұлдыз, бір тілек» және А.В.С критерийлері бойынша бағалау ) теориялық білімді  қалай қолдану керектігі жөнінде тәжірибе  жинақтады деген ойдамыз. Өтілген ашық сабақ «өте жоғары деңгейде өтті» деп бағаланды.