Бүгін,  желтоқсан айының жиырма үші күні,  № 12 ЖББОМ-да «Сын тұрғысынан ойлауға үйрету» тақырыбында  мектеп оқытушыларына арналған коучинг-семинар өтті. Коучингті қазақ тілі, әдебиет пәнінің жоғары санатты мұғалімі   К.А.Жакенова өткізді.

Коучингтің негізгі мақсаты: Мұғалімдерге тренингтер арқылы сын тұрғысынан  ойлау  әдістерін қолдануды үйрету .

Коучинг барысында оқытушылар «Сын тұрғысынан ойлаудың» негізгі ерекшеліктерімен таныса отырып, көркем шығарманы талдауда  тиімді нәтиже беретін,  оқушылардың сыни ойлау қабілеттерін дамытуға игі ықпалын тигізетін төмендегідей стратегиялармен топтық жұмыс жасай отырып жаттықты.

Ол стратегиялар:

ДЕ БОНОНЫҢ  6 ОЙЛАУ ҚАЛПАҒЫ

2. ӘДЕБИ ҮЙІРМЕ СТРАТЕГИЯСЫ

3. ЕКІ ЖАҚТЫ КҮНДЕЛІК СТРАТЕГИЯСЫ

4.РАФТ  СТРАТЕГИЯСЫ

Сұрақ-тапсырмалар бойынша әр топ постер қорғады.

    1.Сын тұрғысынан ойлау дегеніміз не?(постер қорғау)

2. СТО  сабақтары мен дәстүрлі сабақтардың қандай айырмашылығы бар? (постер қорғау)

3. Сын тұрғысынан ойлау технологиясының қандай стартегиялары көркем шығарманы талдауда тиімді нәтиже береді?  (постер қорғады)

1-топ Расул Ғамзатовтың “Менің Дағыстаным” әңгімесін “Ойлаудың алты қалпағы ” стратегиясы бойынша талдау жасаса,  2-топ Расул Ғамзатовтың “Менің Дағыстаным” әңгімесін “Әдеби үйірме” стратегиясы бойынша талдап шықты.

3-топ  Расул Ғамзатовтың “Менің Дағыстаным” әңгімесін негізге ала отырып “РАФТ” стратегиясы бойынша авторға немесе кейіпкерге хат жазу және “Екі жақты күнделік ”стратегиясы бойынша  мәтіндегі өздеріне ұнаған үзіндіге пікір жазумен жаттықты.

Коучинг соңында «Талқылаудағы әріптестер» атты кері байланыс түрімен танысты.

Коучинг нәтижесінде сын тұрғысынан ойлау әдістерінің оқу үрдісін дамытуға қажеттігін түсініп , оқу үрдісінде қолдану жолдарын меңгереді.