26.11.2014 күні № 12ЖББ ОМ-да «PISA халықаралық зерттеуін жүргізу аясында оқушылардың функционалдық оқу сауаттылығын дамыту тақырыбында» семинар –тренинг сабағы өтті.

  Семинарды өткізуші –жоғары санатты қазақ тілі, әдебиеті  пәнінің мұғалімі- Жакенова Кенжегуль Абдрасилкызы өзінің бұл бағдарлама  туралы оқып келген білімін әріптестерімен бөлісті.

   Семинардың негізгі мақсаты: PISA халықаралық зерттеу бағдарламасы  бойынша оқытушыларға теориялық білім беру мен оқушылардың функционалдық сауаттылығын қалыптастыруда қазақ тілі, әдебиеті және жалпы мектеп оқытушыларының кәсіби  құзыреттілігін дамыту мақсаты болды.

   Семинарға мектебіміздің барлық оқытушылары  қатысты. Семинар барысында PISA бағдарламасының мақсаты, мазмұны, құрылысы , PISA -2015 халықаралық зерттеу  тапсырмасының түрлері, белсенді жеке тұлғаға бағытталған оқыту тәсілдерін  тәжірибеде қолдану, атап айтқанда, «Шульте» кестесі, «KWL» кестесі, «Тізбек ойыны», «Жадыны тексеру тестісі», «Сократтық оқу семинары» секілді оқыту стратегияларының сабақта қолдану ерекшеліктерімен танысты, қалай қолдануға болатынын өз бойларынан өткізе отырып жаттықты. PISA бағдарламасының талаптарынан сәйкес тапсырма мысалдарын құру  ерекшеліктерін меңгерді. Бағдарлама мазмұны жайлы білімдерін жетілдірді. Мәтінді сауатты оқу анықтамасына сәйкес жұмыс түрлерін орындады.

    Семинар- тренинг өте тартымды өтті.