№12 Жалпы білім беретін орта мектебінде жыл сайын дәстүрге айналған ҚР  Тілдер мерекесіне 16.09-22.09.13 аралығында өткізілген апталық  өтті.

«Ұлт қасиеті-тілінде»деген айдармен өткізілген ісшара жоспары  қазақ тілі , қазақ әдебиеті және қоғамдық пәндер әдістемелік бірлестігігінде талданып, жоспарланды.

 Ісшара мақсаты: жас ұрпақты патриоттық рухта тәрбиелеу, өскелең ұрпақ бойына Отанға, халқына, ұлттар достығына деген мақтаныш сезімдерін қалыптастыру , оқушылар бойында өз ұлтына, тіліне, туған жеріне деген сүйіспеншіліктерін оятып, халықтың қадір-қасиетін бойларына дарыту.

        Ана тіліне арналған оқушылардың  төл шығармалары сарапталып, үздік  туындылар мектепішілік «Ғибрат» газетіне жолдама алды. 

Қазақ тілі мен әдебиеті пәнінің мұғалімі Ә.Ж. Арыстанбекованың  ұйымдастыруымен 5-7-сыныптар арасында «Қазақтың ырым және тыйым сөздері» атты сайыс  өтті.

17.09 күні мектебімізге Қ.Байжанов атындағы өнер ұжымы «Тілге құрмет» тақырыбында мерекелік концерт өткізді. Аталмыш концерттің өскелең ұрпаққа  патроиоттық  тәрбие берудегі рөлі зор болды.

 1-11-сынып оқушыларының қатысуымен «Мемлекеттік тіл-менің тілім» атты фестиваль өте жоғары деңгейде өтіліп, оқушылардың бойында төл тілге деген құрметін қалыптастыруға септігін тигізді. Бұл сайыста оқушылар тапқырлық, сөз саптау, білімі жағынан да басымдылық танытты.

1-11сыныптар аралығында «Тіл мәртебесі-ел мәртебесі» атты сынып сағаттары өз деңгейінде өтілді.

 Апталықтың жабылу салтанатында белсенділік танытқан және жеңімпаз оқушылар алғыс хаттармен, мақтау қағазымен марапатталды.