№12 жалпы білім беретін орта мектебінің «Денсаулық фестивалі-2013» акциясына орай ісшаралар жоспары құрылып,бекітілді.

 Мектеп кітапханасында «Денсаулық-зор байлық» тақырыбында стенд ұйымдастырылды.

«Денсаулығым керемет-жаттығуға мың рахмет!» тақырыбында саптық жиын өткізіліп,онда мектеп тәлімгері Каршыгина Г.Д. мектеп оқушыларына «Денсаулық»тақырыбында мәлімет берілді. 

Денсаулық акциясы салтанатты түрде ашылып, жаттығулармен жалғасты.

 1-11сыныптар арасында «Денсаулығым керемет-жаттығуға мың рахмет!» тақырыбында сынып сағаттары өтті. «Дұрыс тамақтану-денсаулық кепілі» тақырыбында 5сыныптардан диктант алынды . Сонымен қатар, 9 «а» сыныбында «Денсаулығыңа –құрметпен қара!» тақырыбында  тренинг өткізілді. Мектеп медбикесінің ұйымдастыруымен І қабат фойесінде медициналық  қызмет көрсетілді. Онда мектеп оқушыларының, қызметкерлерінің қан қысымы,салмағы өлшеніп,нұсқаулықтар берілді.

«Денсаулық фестивалі-2013» аясында спорттық шаралар жүргізілді.

 Атап айтсақ: 5-7сыныптар арасында 60м,200м ара қашықтыққа жүгіру өтті.

8сыныптар арасында футболдан, 9сыныптар арасында волейболдан,10-11 сыныптар арасында кір тасын көтеру және турникке тартылудан  жарыстар өтті. «Қол жеткіземіз көпке-болсақ біз бірге!» тақырыбында 1-4 сыныптар арасында көңілді старттар ұйымдастырылды.

Мектебіміздің іріктелген сынып оқушылар арасында тоғызқұмалақ,шахмат, дойбыдан,стол теннисінен жарыстар өтті. Мектептен тыс спорттық үйірмелерге қатысатын оқушылардың (таэквандо,дзюдо,еркін күрес) жетістіктерін насихаттау мақсатында мектеп спортзалында  жаттығу кезеңдерінен көрініс көрсетілді.Сайысқа белсенді қатысып,үздік деп танылған оқушылар алғыс хатпен марапатталды.

Денсаулық аптасы аясында мектеп оқушыларының дене тәрбиесі,олардың денсаулығының нығаюы,олардың организмдерінің шынығуы, жеке гигиенаны сақтай білуді насихаттау барысында жоспарланған ісшаралар өз деңгейінде ұйымдастырылып,өткізілді.