«21 ғасыр -сауатты ұрпақ ғасыры»атты оқу сауаттылығы апталығының жоспарына сәйкес 9«А» сынып оқушыларымен «Әлем таныған Әуезов» атты  оқырмандар конференциясы өтті. Шараның  ұйымдастырушы  мектеп кітапханашысы Т.Идирисова . Оқырмандар конференциясында Мұхтар Әуезовтің өмір жолы мен жазушылық қызметі, шығармашылығынан мағлұмат бере отырып, жазушының әлемдік мәдениетке қосқан үлесі туралы оқырмандардың білімдерін жүйелеу, қызықты да қиын тағдырға толы жазушы өмірін келешек ұрпаққа үлгі ету мақсаты көзделді. 

«М.Әуезовтың туғанына 125 жыл» атты кітап көрмесі оқырмандар назарына ұсынылып, әдеби шолу жасалды. Туған халқын төрткүл дүниеге мәшһүр еткен ұлы суреткер Мұхтар Омарханұлы Әуезов - кемел ойдың кеніші, кенен сөздің өрісі. Қазақ әдебиетінің барлық жанрына тұңғыш рет қалам тартып, бәрін игеріп, сол арқылы тіліміздің шұрайын, еліміздің шырайын танытқан қарымды қаламгер, дарынды ғалым.  

Оқушылар Мұхтар шығармашылығы бойынша «Бала Мұхтардан дана Мұхтарға дейін» ,«Әуезовтің әдеби мұрасы» және «М.Әуезов- әлем әдебиеті  мойындаған тұлға» тақырыптарында жұмыстарын қорғап,оқыған шығармалары туралы пікірлерімен бөлісті.