Бүгін, яғни  28 қазан күні мектеп асханасында  тамақтану сапасына мониторинг жүргізу жөніндегі комиссияның ( бракераждық комиссия)  кезекті тексеріс өтті.
√ Тағамның оқушылардың физиологиялық талабына сай болуы,
√ келетін азық-түлік өнімдерінің сапасын сақтау шарттары мен мерзімі талапқа сәйкестігі,
√ ас мәзіріне сәйкес күнделікті астың дайындығы мектеп медбикесімен  бірге қадағаланып,  тексерістің нәтижесін қорытындылау барысында комиссия мүшелерімен отырыс өтті,  мектеп асханасының талапқа сай жұмыс жүргізілуі талқыланды. Өткізілген тексерісте 1а және 1ә,  сынып оқушыларының ата- аналары да "Ашық"  қосымшасы арқылы мектепке  кіріп,  мектеп асханасының жағдайымен танысып, комиссия құрамында болды.  Күнделікті тамақ сынамасы алынды. Тамақ өнімдерінің сапасына, тағамдарды дайындау технологиясына,  өнімдердің және дайын тағамдардың сақтау мерзімдеріне,  мектеп асханаларының талапқа сай жұмыс жүргізілуі қадағаланды.