Бүгін, яғни  29 қыркүйек күні мектеп асханасында  тамақтану сапасына мониторинг жүргізу жөніндегі комиссияның ( бракераждық комиссия)  кезекті тексерісі жүргізілді. Тағамның оқушылардың физиологиялық талабына сай болуы, келетін азық-түлік өнімдерінің сапасын сақтау шарттары мен мерзімі талапқа сәйкестігі, ас мәзіріне сәйкес күнделікті астың дайындығы мектеп медбикесімен қадағаланып,  тексерістің нәтижесін қорытындылау барысында комиссия мүшелерімен отырыс болды. Өткізілген тексерісте 3ә, 3б сынып оқушыларының ата- аналары да  "Ашық"  қосымшасы арқылы мектепке  кіріп,  мектеп асханасының жағдайымен танысып, комиссия құрамында болды.  Күнделікті тамақ сынамасы алынды. Комиссия мүшелері ас блогында асханадағы жұмыстың ұйымдастырылуын,   дайындалған тағамның органолептикалық қасиеттерін бағалау( дәмі, исі, түсі,  қаттылығы,  консистенциясы, шырынды)  бақылауға,    ас блогы қызметкерлерінің жеке гигиена ережесін сақтауына,  мәзірдің дұрыс жасалуына, асхананың ішкі санитарлық- гигиеналық нормаларды  сақтау   сәйкестігіне тексеріс жүргізді.  Тексеру нәтижесі дайын өнімнің бракераж журналында,  мектеп ас блогының жұмысын тексеру актілерінде белгіленді.