17.09.2021 ж. күні  сағат 17.00 –де «Тәрбие – ұрпақ пен ұлттың  болашағы» тақырыбында  ZOOM платформасымен 1-11 сынып оқушыларының ата-аналарына отбасы сағаты өткізілді.
Күн тәртібінде қаралған мәселелер бойынша мектеп директоры А.Т.Тусупова «Мектептің ішкі тәртіп ережесін, міндеттері мен құқықтарын» және «Сыбайлас жемқорлық – қоғамның өзекті мәселесі» жайлы сөз қозғады.
ЖПҚБ УПИ полиция аға лейтенанты
 Т.Д.Жақсыбекұлы «Әкімшілік құқық бұзушылық туралы» Қазақстан Республикасының кодексінде көрсетілген ата-аналардың немесе өзге де заңды өкілдердің Қазақстан Республикасының білім беру саласындағы заңнамасында көзделген міндеттерді орындамауы бойынша тиісті жауапкершілік қарастырылғандығын таүыстырып өтті.
 Тәрбие орынбасары О.Б.Омарова 2020-2021 оқу жылында білім беру ұйымдарындағы коронавирустық инфекцияның алдын-алу жөніндегі іс шараларды, балалардың денсаулығын сақтаудағы тазалық жұмыстарына тоқталды.
Тарих пәнінің мұғалімі Ш.Ш.Балмағанбетова «Елбасының  Жолдауы 2021: Білім беру саласындағы ауқымды мәселелер» жайлы деректермен бөлісті.
Тәрбие орынбасары А.К.Елеусизова мектептегі сыныптан тыс үйірмелер жұмысын таныстырды. Жиналыс соңында ата-аналар тарапынан қойылған сұрақтарға мектеп әкімшілігі және сынып жетекшілері жауап берді.