2021 жылдың 1- қыркүйек күні сағ: 10:00 де "Білім күніне" арналған  салтанатты іс-шара дәстүрлі форматта мектеп ауласында 1 сынып оқушылары үшін ұйымдастырылды.
Жаһандану заманында әлемдік өркениетке бет алған бүгінгі қазақ елінің болашағы білім мен тәрбие алауын жаққан мектеппен тікелей байланысты екені сөзсіз.  Осы орайда бүгінгі мектеп табалдырығын аттаған бүлдіршіндерімізге "Әліппе"  оқулығы табысталды. Қолдарына тиген оқулықты ұстап тұрған бүлдіршіндердің көздерінен білімге деген құштарлықты байқадық.
"Сыңғырла,  алғашқы қоңырау"  деген ескірмес  көне жолмен 11 сынып түлегі мен 1 сынып оқушылары қоңырау үнін естіртті.
Әліппем менің, әліппем,
Сені қолға алып мен,
Есігін аштым мектептің
Ертеңгі сәуле жарықпен,- деп 1- сыныпқа қабылданып жатқан бүлдіршіндердің жылы жүректерінен шыққан өлең жолдары да айтылды. Баршаңызды бүгінгі мерекелеріңізбен шын жүректен құттықтаймыз!