2013 жылдың 15-ақпанында  №12 ЖББОМ-те тарих  пәні мұғалімдерінің семинар-практикумы болып өтті. Семинардың тақырыбы: «Сын тұрғысынан ойлау технологиясын тарих сабағында қолданудың жолдары мен тиімділігі» Семинарға қалалық білім бөлімінің әдіскері Р.Ж.Кулмуханова және қала мектептерінің тарих пәнінің мұғалімдері қатысып қайтты. Семинардың теориялық бөлімінде жоғарыда аталған тақырыпта мектебіміздің тарих пәні мұғалімі А.Ж.Жолтаева баяндама оқыса, практикалық бөлімде тарих пәнінің мұғалімі Ж.Ж.Ракишева  9а сыныбында СТО технологиясының стратегияларына негізделген«Ауыл шаруашылығының дамуы. Тың игеру» тақырыбында ашық сабақ, Ж.О.Аукенова 7а сыныбында «Кеңес әскерлерінің Ауғанстан жерінен шығарылғанына 24 жыл» тақырыбында ерлік сабағын өткізді.  Семинар соңында жасалған жұмыстар талданып, әр семинарға қатысушылардың пікірлері ортаға салынды.

         Семинардың өту барысы «өте жақсы» деп бағаланып, семинарды өткізуге ат салысқан тарих пәнінің мұғалімдері Ж.Ж.Ракишева ,  А.Ж.Жолтаева  және Ж.О.Аукенованың еңбегіне жеміс тілей отырып, шығармашылық табыстар тілейміз.