Директордың тәрбие орынбасары А.З Кудашбаева «Ұрпақ тәрбиесі – болашақ тірегі» баяндамасында, баланы өмірге бейімдеудегі мектеп, ұстаз және ата-ананың рөлі туралы, баланың жан-жақты тәрбие алуына ықпал ететін мектептегі тәрбие жұмыс бағыттары мен нәтижелеріне талдау жасады. Отбасының аман-саулығы - әрбір елдің дамуы мен келешегінің өлшемі.Отбасы – бала тәрбиесінің ең алғашқы ұжымы. Баланың тәрбиелі болып өсуіне берекелі отбасының тигізетін әсері мол.Ата-ананың қолдауы балаға сенімділік пен жаңа жеңістерге жол ашары сөзсіз.15 мамыр халықаралық отбасы күніне орай,  өскелең ұрпақтың мүдделері мен игілігі үшін табысты ынтымақтастық орнатып, шығармашылық қабілеттерін шыңдап,рухани дамуына қосқан үлесі үшін бір топ ата-аналарға алғыс жарияланды.

Директордың оқу ісі жөніндегі орынбасарыБ.А.Нурманбаева2020-2021 ОҚУ ЖЫЛЫНДА ЖАЗҒЫ МЕКТЕПТІ ҰЙЫМДАСТЫРУ ТУРАЛЫ Қазақстан Республикасының Білім және ғылым министрлігі 2021ж 05 мамырдағы №203 бұйрығы,яғни «2020-2021 оқу жылының аяқталу және орта білім беру ұйымдарында білім алушыларды қорытынды аттестаттаудан мерзімдерін бекіту туралы» бұйрығы негізінде ашылатын  жазғы мектеп мақсаты,кестесімен таныстырып өтті.Жазғы мектеп 26 мамыр - 19 маусым аралығында барлық тілек білдірген білім алушылар үшін ата-аналарының өтініші бойынша оқыту сапасын арттыру және шектеу шаралары кезеңінде білімдегі жіберілген олқылықтардың орнын толтыру мақсатында ұйымдастырылады.
        Жергілікті Теміржол полиция бөлімінің ювеналдық полиция тобының инспекторы полиция лейтенанты М. Кыстаубаева «Құқық бұзушылық және жасөспірім» тақырыбындажасөспірімдердің құқықтары мен міндеттері,көшеде және қоғамдық орындарда жүру тәртібімен, құқық бұзушылық және қылмыс белгілерімен, түрлерімен таныстырып ақпараттық-түсіндіру жұмысын жүргізді.Қазіргі қоғамның алдында тұрған басты міндеттердің бірі – балалар мен жасөспірімдер арасындағы құқық бұзушылықтың алдын-алу, кәмелетке толмағандар арасындағы қылмыстың өсуіне жол бермеу «Ел болам десең – бесігіңді түзе» деп дана халқымыз айтқандай, әрбір ата-ана өз баласының тәртібі мен тәрбиесіне аса мән беріп, бос уақытта немен айналысатынына қатаң бақылау жасаса, жасөспірімдер арасында құқықбұзушылық пен қылмыстың төмендеуіне көп септігін тигізер еді. Жасөспірімдердің қылмысқа баруының жолдарын қарастырар болсақ – бала жүрегіне қатігездікті дарытуға себеп болатын адамды қинау мен азаптап өлтірудің эпизодтарын қамтитын компьютерлік ойындар мен мультфильмдер. Онымен қоса сан ғасырдан бері дертке айналған арақ-шарап, есірткі, темекі, түнгі ойынханалар, маскүнемдікке салынған ата-ана, толық емес отбасы тағы да бар.Са­­бақтан тыс уақыттарда, каникул кез­­дерінде демалыс маусымдарының дұрыс ұйымдас­тырылмауы, көше­дегі келеңсіз оқи­ға­­лар­дың көптігі жасөспірімдердің қылмыс жасауына әкеп соқтыруы анық.Сондықтан ата-аналарды бала тәрбиесіне,бос уақытын қалай өткізетіне мән бере отырып, рухани байлыққа бөлеп өсіруге шақырды.

Мектеп психологі  Ә. Сүлеймен«Бала тәрбиесіндегі ата-ананың ықпалы» тақырыбында психолого-педагогикалық білім бере отырып,тәрбиедегі  олқылықтарды болдырмау жолына тоқталды.