Бүгін 20.04.21 күні «Адал ұрпақ» еріктілер клубы мүшелерінің ұйымдастыруымен 9 сыныптар арасында « Мемлекеттік қызмет – елдің мүддесіне адал еңбек» атты шығарма байқауы өтті.

      Байқаудың мақсаты өскелең ұрпаққа мемлекеттік қызмет түсінігін насихаттау, даму мақсаттары мен басымдықтарымен таныстыру, әр азаматтың елдің мүддесіне және Отанға адал қызмет етуіне баулу. Оқушылардың шығарма жұмыстарында: «Мен өскенде Елбасымыз сияқты халқыма адал қызметкер боламын деп ойлаймын. Адал қызметкер деген кім? Оның іс-әрекеті, адалдығы неден көрінеді? Адал қызметкер болу – әр азаматтың Отанына деген махаббатынан бастау алады. Ал, Отанға деген махаббат – кіші Отанға деген сүйіспеншіліктен бастау алады. Яғни, өзіңнің кіндік қаның тамып, туып өскен үйіңе, алғаш топырағын басып, суын ішіп, қозы-лақ қуып, балалық шағың өткен ауылыңа, бір нан болса да бөлісіп жеп, құлын-тайдай бірге өскен достарыңа, оңымыз бен солымызды көрсетіп, қанаттығы қақтырмай, тұмсықтыға шоқтырмай өсірген ата-анаңа, алғаш қолыма қалам ұстатып, басымнан сипап, білім нәрін берген мектептегі ұстаздарыңа деген сыйластықтан, шексіз алғыс білдіруден көрініс табады. Менің жүрегіме адалдықтың дәнін егіп, қанымды адалдықтың суымен суарған осылар» деген  ойлар  тізбегі көрініс тапқан.