Оқушылардың  өміріндегі көп мезгілдерінің бірін өткізетін орта – мектеп. Оқушының бойында ағзаның өсуі мен дамуы, биологиялық және әлеуметтік жетілуі байқалып, өмірге деген көзқарасы, шығармашылық және жемісті іс – әрекеттіліктерге дайындығы қалыптасады.Сондықтан оқушы мен ата-ата назарына «Дені саудың-жаны сау» ауызша журналын ұсынамыз.Адамның ұзақ, мәнді де сәнді өмір сүруінің негізі-оның денсаулығы.Денсаулығымыз жақсы болу үшін салауатты өмір салтын қалыптастырудың маңызы  зор. Таза ауада демалу, спортпен шұғылдану, тазалықты сақтау,зиянды әдеттерден аулақ болу, денені күтіп ұстау, дұрыс тамақтану-барлығы салауатты өмір салтына жатады. Қазіргі кезде өлім-жітім деңгейінің артуы осы айтылған салауатты өмір салтын сақтамаудан және тiршiлiк ету ортасының зиянды әсер факторларынан ,психикалық-сезiмталдық ауыртпалықтан, қимыл-қозғалысы аз өмiр сүру салтынан, кәсiби факторлардан және әлеуметтiк-тұрмыстық жағдайлардан болады екен. Тәуелсіз мемлекетіміздің тірегі болар жас ұрпақтың дені сау болса,биік  шыңдарға  қолы  жеткізері, халқына  қызмет  етері  даусыз.