Бракераждық комиссия
Тамақтану сапасына мониторинг жүргізу жөніндегі комиссияның (бракераждық комиссия) кезекті тексерісі өтті. Асхана кіреберісінде фильтр зонасы орналасқан.Онда асханаға кірушілердің термометрия (дене қызуын өлшейтін ) журнал бар. Ас блогы қызметкерлерінің жеке гигиена ережелерін сақтауы да бақыланды.Мектеп медбикесі күнделікті тамақ дайындау технологиясының сақталуына, дайындалған тағамның органолептикалық қасиеттерін бағалау (түсі, иісі, дәмі, консистенциясы, қаттылығы, шырынды және т. б.); дайындау кезінде өнімдердің толық салынуына бақылау жасайды. Бракераждық комиссия бақылау тағамы мен тәуліктік сынамалардың болуына ,  асхана және қоймалардағы азық-түлік өнімдерінің санитарлық-гигиеналық нормаларға сай сақталуына тексеріс жүргізді.Нәтижесінде, тамақтану залының жалпы санитарлық жағдайы және эстетикалық безендірілуі жақсы.Санитарлық-гигиеналық нормаларға сай, оқушылардың тамақтануын ұйымдастыруда олқылықтар орын алған жоқ.