Мектебімізде ақпан айының 26-сы күні «Функционалдық сауаттылық – тұлға қалыптастырудың негізі» тақырыбында  жалпы мектепішілік ата-аналар жиналысы өтті.
 Күн тәртібіндегі  бірінші мәселе бойынша заң ғылымдарының кандидаты , «Болашақ» академиясының профессоры Болат Кенелұлы Сыздық «Баланы құқықтық тәрбиелеудегі отбасының рөлі» тақырыбында отбасылық тəрбиесіз баланың үйлесімді дамуы мүмкін еместігін, бұл тəрбие қоғамдық тəрбиемен бірлесіп нығая түсуі керектігін, ата – ана өз баласының тәрбиелі де, саналы, үлгілі болуы үшін ең бірінші тәрбиені отбасынан бастау қажеттігін атап айтты.
Мектеп инспекторы Кыстаубаева Менсулу Даулетовна «Жасөспірімдер арасындағы құқықбұзушылықтың алдын алу» тақырыбында оқушылардың құқықтық сауаттылығын, құқық бұзушылық және қылмыс белгілерімен, түрлерін ескере отырып, жасөспірімдердің құқықтары мен міндеттерін атап, қоғамның заңдары мен нормаларын орындауға, құқықтарын  біліп оны құрметтеуге тәрбиелеу қажеттігін ата-аналарға түсіндірді.
 Мектеп директоры А.Т.Тусупова функционалдық сауаттылық бүгінгі жаһандану дәуіріндегі заман ағымына қарай ілесе отырып, меңгерген білімді тұрмыс тіршілікте қолдану қажеттігін, меңгерген білімді сауатты қолдана алуы мен үнемі білімін жетілдіріп отыру процесі жөнінде сөз қозғаса, директордың тәрбие жөніндегі орынбасары К.А.Абдигалиева «XXI ғасыр – сауатты ұрпақ ғасыры» оқу сауаттылығы, «Математика біздің айналамызда» математикалық сауаттылық апталығы «Цифрлық әлем» ақпараттық сауаттылықты дамыту, «Құқықтық навигатор» құқықтық сауаттылық, «Дене шынықтыру» апталығы, «Қаржы әлемі» қаржылық сауаттылық апталығы аясында өткен іс шараларға және жетістіктерге тоқталды. Ата-аналармен кері байланыс жасалып, өз ой пікірлерімен бөлісті.