№12 жалпы білім беретін мектебінің  9-11 сынып  оқушылары "Қаржы әлемі" апталығы жоспарына сәйкес өткізілген  « Жеке актив және пассив, жеке бюджетті  басқару» және  «Жинақтаулар, несиелер және депозиттер»  тақырыбындағы  онлайн кездесуге қатысты. Онлайн кездесудің қонағы «Атамекен» ҰҚП бизнес –тренері, "Поехали с нами"  туристік орталығының директоры Успаева Арай Саматқызы болды.
Кездесуде   қаражатты қалай үнемдеу керек, қаржылық мақсаттарды қалай жоспарлау керек және оның қағидалары жайлы   көптеген мағұлматтар берілді.Несиелер мен депозиттердің  пайдасы мен  зияны, оны қалай қолдану керек, қаражатты үнемдеуді қалай үйрену керек, бизнес бастау үшін қандай қадамдардан бастау керек  деген сұрақтар талқыланып, бизнес туралы нақты бір ой мен дағдыны қалыптастыруға ықпал ететін ой қозғалды. Осы кездесуде оқушылар өз қаржылық   сауаттарын ашу үшін, қаржылық мақсаттарын жоспарлай білу керектігіне көз жеткізді.Сонымен қатар бірнеше бейнероликтер мен презентациялар көрсету арқылы  жасөспірімдерге кәсіпкер болу үшін  кәсіпкерлікке тек экономикалық құбылыс ретінде ғана емес, жеке тұлға құзіреттілігі ретінде қараудан бастау керектігі туралы кеңес берілді. 
Ұйымдастырған: Б. Қуандыққызы, К.А. Оразбекова