26.11.2020 ж. күні сағат  11.00-де ZOOM платформасы арқылы «Ғылым мен мәдениет – барлық дүниенің алтын алқасы» тақырыбында жалпы мектепішілік ата-аналар жиналысы өткізілді.
Күн тәртібінде қаралған бірінші мәселе бойынша мектеп директоры Ардақ Тлеужановна ғұлама ғалым Әбу Насыр әл-Фараби «Ғылымы жоқ елдің болашағы бұлыңғыр» деген сөзінен бастап, ғылым мен білімнің адамға берер пайдасына тоқталды. Бүгінде әлемнің алдыңғы қатарлы елдері ғылымсыз, озық білім мен инновациялық технологияларсыз мемлекеттің экономикасы мен азаматтардың әлеуметтік жағдайын түзеу мүмкін еместігін жақсы түсініп, өздерінде ғылым саласының дамуына басымдықтар беріп, ғалымдарын бағалап, олардың жұмыс істеуіне қолайлы жағдай туғызып отырғанын тілге тиек етті. Бізде болашағымыз жарқын болуы үшін, жас ұрпақты, яғни шәкірттерімізді сапалы біліммен сусындатып, ғылымға бет бұруға, ғылымға ден қоюға бағыттап жұмыс жүргізу керектігін айтты.
Күзгі каникул кезінде балалардың демалысын, бос уақытын ұйымдастыру жөнінде атқарылған әр бағыттағы іс шаралар есебіне тоқталып, белсенділік танытқан сынып оқушылары мен ата-аналарына, ұстаздарына алғыс жарияланды. Әлеуметтік желілердегі қатыгездікке итермелейтін ойындарға кіруіне жол бермей, үнемі қадағалау жөнінде сөз қозғалды.