«Қарағанды қаласының білім бөлімі» КММ  2020-2021 оқу жылының жұмыс жоспарына сәйкес  медициналық сыныптар арасында алғаш рет «Медицинаға қадам» онлайн байқауын өткізді.
  Байқау өткізудің  негізгі  мақсаты – жалпы білім беру ұйымдары оқушыларының  медициналық білімдері мен дағдыларын шыңдау, шығармашылық қызметін зерделеу арқылы зерттеушілік қабілеттерін дамытуға қолдау жасау, болашақ дәрігер мамандығына оқушыларды бағдарлау.
  Оқушылардың жұмыстары үш номинацияда қабылданды:
6-7 сынып оқушылары үшін:
презентациялар байқауы «Дәрігерлер шежіресі (әулеті)».
8-9 сынып оқушылары үшін:
видеороликтер байқауы «Ақ халатты абзал жандарға тағзым!».
10-11 сынып оқушылары үшін:  жобалық, ғылыми-зерттеушілік жұмыстар «Медицина жаңалықтары».
Байқау қорытындысы  2020 жылғы 16 қарашада  ZOOM платформасы арқылы өткізілді.Байқау қорытындысы бойынша мектебімізден
«Медицина жаңалықтары» номинациясы бойынша:
ІІІ дәрежелі дипломмен 10 "А" сынып оқушысы Омарова Шұғыла марапатталды.
«Дәрігерлер шежіресі (әулеті)» номинациясы бойынша:
6 "Ә" сынып оқушысы Абай Рамазан Сәтжанұлы сертификатқа иеленді.
«Ақ халатты абзал жандарға тағзым!» номинациясы бойынша:
9"А" сынып оқушысы Айтахун Айым мен 8 "Ә" сынып оқушысы  Жабай Гүлімкөзге сертификат берілді.
Байқауға қатысқан оқушыларымызға, жоба жетекшісі химия пәні мұғалімі  Мұқаш Жазира Қаппарқызына шығармашылық табыс тілейміз, жеңістерімен құттықтаймыз!