Ұлттық қолөнер - ұлт қазынасы. Руxани жаңғырудың бастауы - мәдениет пен өнерден бастау алатыны белгілі. "Өнегелі өмір "жобасы аясында "Ата өнері- балаға мұра " тақырыбында онлайн кездесу өтті. Кездесуіміздің қонағы ұлттық аспаптарды жасау шебері, бірнеше дүркін "Үкілі домбыра" байқау бәйгесінің дипломаты, домбыра жасау шеберлерінің Республикалық байқауларының жеңімпазы, "Бейбітшілік әлемі" халықаралық қазақ творчестволық бірлестігінің Халықаралық қолөнер шеберлер одағының мүшесі Садуақасов Аманжан Диекенұлы. Аманжан Диекенұлы ағамыз тек Қазақстанға ғана емес шетелге де танымал тұлға. Аман ағамыздың домбырасы Прага қаласына да сыйға тартылған екен. Қазақстанның тұңғыш президенті Н.Ә.Назарбаевта, танымал атақты адамдарда, айтыскер ақындарда, әншілерде де ағамыздың домбырасы қолданыста жүр. Оркестрлерге, ансамблдерге де арнап домбыра жасаған. Құрманғазы Сағырбаевтың Астраханьдағы музейіне, Алматы ұлттық аспаптар мұражайына да домбыралары қойылған. Өнер - адамға жақсы әсер ететін және оны тәрбиелейтін қазына. Осы асыл қазынаны жоғалтпай, әрі қарай дамыту, қолдану біздің және жастарымыздың міндеті. Онлайн кездесуді жүргізген 10 "Ә" сынып оқушысы Иманжүсіп Күнсұлу.