Тарих ғылымдарының кандидаты,доцент, «Тұлғатану»зерттеу орталығының директорыН.А.Бейсенбековамен «Өнегелі өмір» жобасы аясында онлайн кездесу өтті.Ғалым ұлт қайраткерлерін ұрпақ жадында сақталуы үшін «Тұлғатану» ғылыми-зерттеу орталығының жұмысы туралы, тарихтың «ақтаңдақ» кездері,ақпарат ағыны қарқынды заманда тарихымызды қалай сақтап, оны қалай дамытуға болатындығы ,тарихқа қатысты қандай ойлар мазалайтындығы туралы ой-пікірлерімен бөлісті.

Ұстаздық жолды ұлағатымен,зерттеуші-шығармашылық жолын шымыр оймен өрнектеген Нұрсақан Ахметқызымен болған сұқбаттан кейбір үзінділерді назарларыңызға ұсынамыз.

Өзі жайлы

Ана әңгімесімен есейіп өскен бала.

Негізгі ұстанымы- қамқор болу!

Өмірден үйренгені-шыдамдылық.

Тарих саласына келуіне ықпал еткен жандар: ұстазы Күләш апайы және бала кезде атақты жазушылар Т.Ахтанов,Б.Соқпақбаев,С.Мұратбековпен кездесуі.

«Тұлғалар тағылымы»,«Тарихтан тағылым» бағдарламасы жайында

Біздің тарихты басқалар жазды,құлдық санада қалып қойдық.Соны өзгерту керек. Ордалы жерде орын алған ,үлесті жерде өз үлесін алған батыр халықтың ұрпағымыз. Өзгеге қызығудың керегі жоқ. Сонау «Күлтегін»жырларынан бастау алатын Тәуелсіздік ұғымы,бабаларымыздың ел бірлігін сақтаудағы ұлттық ұстанымы,хан мен қараша арасындағы рухани байланыс,дала демократиясын үлгі ету,жасампаздықты ,ұлттық рухты ояту.

Рухани жаңғыру-әр адамның санасының жаңғыруы,жақсының жақсылығын көре білу,өткеннің тозғанынан безіп,озығын бойымызға сіңіру

Ұлы даланың ұлы мұраларын бойымызға сіңіргенде ғана өркениет көшінен қалмаймыз.

Өткен тарихымыздан өнеге алу:ата-бабамыздың ерлігін,ұлдарымызға ашамайға мінгізіп,атқа мінуді үйретуі,қыздарымызға 13 жасынан отау болуды үйреткен.ұлттық жадының мықтылығын насихаттап отыру.

Территория байланысты тұлғаларды бөліп тастау дұрыс емес.Тұтас алаш –түркі тектес халықтардың ұраны! Алаш арыстары 100 жылда бір туатын тұлғалар!

Алаштың ірі қоғам және мемлекет қайраткері, тарихшы, ағартушы, тұңғыш темір жол инженері Мұхамеджан Тынышбаевтың қанатты сөздері әр бекетте тұрса артық па?

Тәрбие жайында

Тәрбие күнделікті жүруі керек:бесік,балабақша,мектеп,оқу орны,өскен орта.

Тәрбие 18 жасқа дейін қатал жүруі керек! Жеткенге де жетекші керек.

Көшеде де адам санасына ықпал ететін қанатты сөздер жазылып тұрса...

Жастарға қандай қандай өсиет айтар едіңіз?

Әркім «елім маған не береді?» деп емес, «мен еліме не беремін?» деп ойласа, ұтылмайтыны анық.

Өмірде өкінбей өту үшін , қарапайым адам болып,адами қасиеттерден айнымау керек.

«Өмірде екі нәрсені таңдауда қателеспе. Біріншісі - жар таңдауда, екіншісі – мамандық таңдауда» дейтін сөз бар ғой. Мамандық таңдауда өз қабілетіңе қара! Ә. Бөкейхан «Тірі болсам,қазаққа қызмет жасамай қоймаймын!»десе,сіздерге әуелі ата- ата-анаңа қызмет жаса,жақыныңа қамқорлықтан баста дегім келеді.

Сұхбаттасқан:Болат Акерке.