Мектебімізде 03 ақпан күні «Әлемге танымал талант иесі – Кәріпбек Телтайұлы Күйіковпен «Өнегелі өмір» жобасы аясында кездесу кеші болып өтті.

Мақсаты: Оқушыларға атақты суретші, әлемге әйгілі талант иесі, Семей полигонын жабуға мұрындық болған халықаралық антиядролық қоғалыс белсендісі - Кәріпбек Телтайұлы Күйіковтың өмір жолы, шығармашылығы, ел дамуына қосқан зор үлесін, табысқа жету тарихын өскелең ұрпаққа насихаттау.

Рухани кездесу барысында Кәріпбек Телтайұлының табысқа жеткен жетістігімен қоса, қайсар тұлғаның іс-тәжірибесімен оқушылар жан –жақты танысып,көкейлеріндегі сұрақтарына ұтымды жауап ала алды. Сонымен қатар мектеп оқушылары суретшінің туындысына ұқсатып салған суреттерін бейнелеу арқылы суретшіден өз бағаларын ала білді. Кеш барысында оқушылар қонағымыздың құрметіне поэзия әлемінен сыр шертіп, өлеңдер оқып, ән-күйлерінен жолдады.

Өз сөзінде Кәріпбек Күйіков Семей ядролық полигоны орналасқан жерден 100 шақырымдай жерде орналасқан Егіндібұлақ ауылында туғандығы, әлемді саяхаттап, адамдарға ядролық сынақтардың адамзат өміріне қандай әсер тигізетінін айта отырып,өз туындылары Германия, АҚШ және Жапонияның жеке коллекцияларында қойылғандығына тоқталып және « Невада- Семей» антиядролық қозғалысының зардабы жайында бейне ролигін көрсетті. Бүгінде белсенді азамат ядролық қаруға қарсы «Атом» жобасының Елшісі, әлемге танымал тұлғамен кездесіп отырғанымыз біз үшін зор мақтаныш болды. Шебер атом жобасының құрметті елшісі, «Невада -Семей» антиядролық қозғалысының белсендісі, Құрмет орденінің иегері, Нобель сыйлығына ұсынылған, Халықаралық «Ядросыз болашақ үшін» сыйлығының лауреаты атанған, мәртебелі марапатқа әлем бойынша 5 адам лайық деп танылса, соның бірі Отандасымыз Кәріпбек Телтайұлымен кездесу кеші өте жоғары дәрежеде өтті. Кездесу соңында мектеп ұжымына өз қолтаңбасын қалдыра отырып кітабын тарту етті.