"Өнегелі өмір" жобасы аясында ұлттық болмысымызбен төлтума мәдениетіміздің дамуына, өнер саласына зор үлесін қосқан азаматтардың жетістік пен табысқа жеткен өнегелі өмір жолдарын өскелең ұрпаққа таныту мақсатында кездесу өтті. Арқаның арқалы айтыскер ақындары, жыршы, термеші Қамиев Дидар Жанатұлы, Байсүгіров Нұрмұхаммед Құлназарұлымен өткен кездесу оқушыларымыз үшін мәнді де, мазмұнды ерекше кездесу болды. Бірнеше облыстық, аймақтық, республикалық айтыстың жүлдегерлері өнер жолындағы өмірлерінен , балалық шақтарынан поэзия әлеміне жету жолындағы қызықты мәліметтермен бөлісті. Оқушыларымыз келген қонақтарға сұрақтар қойып, тұшымды жауаптар алды. "Рухани жаңғыру" аясында әрбір жеткіншектің бойына ұмытылмастай халқымыздың қазынасынан сыр шертіп, рухани азық алды деген ойдамыз.