Қала тарихында тоғыз жолдың торабында орналасқан Сұрыптау бекетінің орны орасан. Білімнің қара шаңырағы саналатын, іргесі бекіп, керегесі кеңейген, бірлігі жарасып, ырысы тасыған №12 жалпы білім беретін орта мектептің де өзіндік тарихы бар. Мектеп - білім мен тәрбиенің сарқылмас кәусәр бұлағы, тәуелсіз қазақ елінің құдіреті, болашағының кепілі, дана мен даралар шығар құтты мекені.

«Өткенсіз бүгін жоқ» дегендей, кездесуге шақырылған ардагер ұстаздар, ата-аналар өз естеліктерімен бөлісті. Ұстаздық барлық мамандықтың ұлы бастамасы. Қазіргі қоғамда да білім саласына ерекше мән беріп, үнемі қамқорлық көрсетіп келеді Бұл мемлекеттің даму саясатында сапалы білім мен білікті ұстаздың орны айрықша екенін білдірсе керек. Кеште ұстаз еңбегі баса айтылды.

Ұстаз болашақтың айнасы болса, шәкірт – келешектің тұтқасы. Ұстаз еңбегі шәкіртімен бағаланады. Шәкірт шыңға шықса, ұстаз үшін сол бақыт. Өзінің 20 жылдық тарихында мектебімізден 545 шәкірт үлкен өмірге қанат қаққан екен. Қай салада жүрсе де өз ісінің маманы болған түлектерімізді көріп, ұстаз көңілі марқайды.Түрлі салада еңбек етіп жүрген түлектеріміздің де жас буынға айтар тағылым-тәрбиесі мол болды.

Кездесу әсем ән, күмбірлеген күй, мың бұралған бимен өріліп отырды.

Бүгінгі күн-халықтың білім қуып, өсу заманы; Елдімізді қорғап, тұрмысы шалқыған, өнегелі ел болудың заманы. Ана сүтімен бойымызға дарыған қасиетімізді сақтап, баршаға қамқорлығы бар қоғамға жол салатын заман! Сонда тәуелсіздігіміз баянды болмақ!

Мектеп ұстаздар ұжымы барлық қатысушыларымызға алғыс білдіре отырып,

осы жолда баршамызға бақ дарып, ерен еңбегіміз Отан, халық кәдесіне жарағай!-деп тілек білдіріп, қорытындылады кеш соңын.