«Болашаққа бағдар: рухани жаңғыру»,«Өнегелі өмір» жобасы аясында және мектебіміздін 20 жылдық мерейтойына байланысты «Рухани кездесу- өскелең ұрпақтың жарқын жолы» атты экскурс ісшарасы жоспарланды.«Елбасының «Болашаққа бағдар: рухани жаңғыру» атты мақаласынан бастау алған «Туған жер» бағдарламасы орта мектепте туған жердің тарихын оқып-тануға үндейді. Міне,осы мақсатта біздің мектебімізде «Өлкені тану-тарихты білу» тақырыбында мұражай ашылды.

Алғашқы сөз кезегін алған мектеп директоры А.Т.Тусупова мұражай ашу мақсаты мен оған материал жинау,деректерді сұрыптау,жәдігерлерді жасаудағы оқушылардың зерттеушілік- шығармашылық қабілетін арттырудағы маңызына тоқталды.

Қалалық білім бөлімінің әдіскері Г.Б.Жаркеева ұйымдастырылып отырған шара жас өркенге тарихи тұлғаларды мақтаныш ететін, елінің өткені мен келешегіне үлес қосу, өз өлкесінің мәдениеті мен табиғи байлықтарын сақтау алдындағы жауапкершілікті ұғындыратын ашық білім беру кеңістігі болып табылатындығын баса айтып,шығармашылық табыстар тіледі.

Мұражайды ашу құрметіне ардагер ұстаздарымыз К. М.Адилова ,Б. А. Аубакирова ,С.Төреғожиналар ие болды.

Оқушылар «Жас теміржолшылар» жобасын қорғады, мұражай жәдігерлерімен, жасаған макеттерімен таныстырды. Ән-биден шашу шашты.