06.12.2019 жыл. Біріккен Ұлттар Ұйымымен 9 желтоқсан күні Халықаралық сыбайлас жемқорлықпен күрес күніне орай 9 «Ә» сынып оқушыларымен «Сыбайлас жемқорлық – қоғамның өзекті мәселесі» тақырыбында тәрбие сағаты өтті. Мақсаты: Өскелең ұрпақтың бойында адалдық,парасаттылық,әділдік,сенім құндылықтарын сіңіруге және жас буының рухани болмысын бекітіп,сыбайлас жемқорлыққа қарсы мәдениетін қалыптастыру.Сыбайлас-жемқорлық” деген ұғымды түсіндіріп, пайда болу жағдайлары жайлы түсінік қалыптастыру. Өз көзқарастарын білдіріп, дүниетанымдарын кеңейту. Өз мемлекетіне жауапкершілікпен қарау және әділдікке тәрбиелеу.

Сынып жетекшісі оқушыларға сыбайлас жемқорлыққа қарсы стратегиясы туралы презентация дайындап, жалпы түсінік берді, еліміздің осы мәселемен күрестегі әлемдік аренадағы рөліне тоқталып өтті. Оқушылары топпен жұмыс жасай отырып аталған тақырып бойынша түрлі тапсырмаларды орындады. Әр топ сыбайлас жемқорлықтың шығуы, бопсалау, жемқорлық, пара, бюрократия, қорқытып алу туралы тақырыптарды талқылап, мазмұнын ашты. Топтық жұмыс қорытындысы бойынша оқушылар жемқорлықпен күресті алдымен өзінен бастап, сосын маңайындағылардан талап ету керек деген қорытындыға келді. Сыбайлас жемқорлықпен күрестің тиімділігі биліктің барлық салаларының өзара әрекеттесуіне және қоғамды жетілдіру үдерісіне деген жауапкершілігіне байланысты. Сыбайлас жемқорлық бойынша құқық бұзушылық көріністерінің барлық түріне жылдам әрекет етіп, әділетті жазалау беру керек. Сонда адамдардың билік өкілдеріне деген сенімі, құрметі артып, қоғам сыбайлас жемқорлықпен күрестің қажеттілігін мойындайды. Сынып жетекшісі М.С.Сагинбаева.