Қарағанды-Сұрыптау теміржол бекеті қызметкерлерінің мектебіміздің 9-11 сынып оқушыларымен «Еңбекпен өрілген өмір» атты кездесу кеші болып өтті.

Биыл туған жеріміз, Қарағанды қаласының, құрылғанына 85 жыл толып отыр. Қала тарихында тоғыз жолдың торабында орналасқан Сұрыптау бекетінің де өзіндік орны бар. Теміржол-үміт, сенім жолы, экономикасы мен өндірісі дамыған өлкеміздің сан ғасырлық қарым-қатынас жолы.

Кездесу «Өнегелі өмір» жобасы аясында, түрлі салада еңбек ететін азаматтардың табысқа жету жолдарын, іс-тәжірибесін насихаттай отырып, патриоттық тәрбие беру және оқушыларымызға өмірде өз орындарын таба білуге баулу және кәсіби бағдар беруге ықпал ету мақсатында ұйымдастырылды. Теміржол саласында еңбек етіп жүрген кеш қонақтары,  Жаңабаев Нұрдәулет және Тынысбеков Казбек Қуандықұлы өз еңбек жолдары, мамандықтарының ерекшелігі туралы әңгімелеп, оқушы сұрақтарына жауап берді. Бірнеше мәрте қалалық, облыстық мәслихатының депутаты, «Қазақстанның құрметті теміржолшысы» атанған Сәрсенбаев Қазыбек Жұмашұлының жары Сәрсенбаева Алтын Жаппарқызының рухани байлық, жалпы адамгершілік тақырыбында жастарға айтар тәлім-тәрбиесі мол болды.

Мектеп оқушылары кеш қонақтарына мектеп мұражайының тақырыптық мазмұны жайында баяндап, әннен шашу шашты.