№12 жалпы білім беретін орта мектепте бастауыш сыныптарға арналған ұзартылған күн тобы ашылды. Ұзартылған күн тобына көпбалалы, азқамтылған отбасының балалары қамтылды.

Ұзартылған күн тобында балалар күннің бірінші жартысында арнайы бөлінген сыныпта жұмыс істейді. Сынып балалар кітабымен, логиканы дамытуға арналған ойындармен жабдықталған. Сонымен қатар спорт зал, кітапхана және басқа да оқу жайлары пайдаланылады, ыстық тамақ беріледі (ата-аналар есебінен де, жеңілдік түрінде де), күн сайын таза ауада серуен жүргізіледі және балалар сыныптан тыс ісшараларға, үйірмелерге қатысады.

Ұзартылған күн тобының мақсаты:

мектепте оқушының жеке және жас ерекшелік қабілетіне сай тиімді жағдай туғызу, белсенді даму деңгейіне және денсаулық жағдайына жүйелі жұмыс жүргізу.

Міндеттері:

Ø оқушыларды өзін-өзі дайындауға сабақтар ұйымдастыру;

Ø оқушының денсаулғын сақтауға бағытталған ісшараларды ұйымдастыру;

Ø бос уақытын ұйымдастыру;

Ø оқушылардың дарындылығы мен қабілеттерін, қызығушылығын дамыту, дербестілікке тәрбиелеу.

Ұзартылған күн тобына баратын балаларды сауықтыру және жұмыс қабілеттілігін арттыру жас ерекшеліктеріне сәйкес ұтымды ұйымдастырылған, бала тұлғасының толыққанды дамуына жағдайлар жасалған.Тұлғалығының қалыптасып дамуына ұзартылған күн тобы қызметінің маңызы зор.