09-14.09 аралығында Қалалық білім бөлімінің ұйымдастыруымен «Қауіпсіз балалық шақ» атты ақпараттық науқан болып өтті. Кәмелетке толмағандардың қауіпсіздігін күшейту мақсатында өткен науқанға мектебімізде ісшаралар жоспары жасалды.Жоспарға сәйкес «Қауіпсіз балалық шақ» атты апталық болып өтті. Апталық саптық жиынмен басталды,онда оқушыларға қауіпсіздік ережелерін сақтау,балалардың жарақат алу қаупі туралы ақпарат берілді. Апталық мақсаты: оқушылардың өмір қауіпсіздігін сақтау,ата-аналар қауымдастығын бала тәрбиесі мәселелері бойынша ақпараттандыру. Мектеп мұғалімдері және ата-аналардың қатысуымен өткен кездесуге Теміржол полиция қызметкері Ж. Мустаяпов қатысып, «Балалардың қауіпсіздігін қалай қамтамасыз етуге болады?» деген сұрақ төңірегінде әңгіме қозғады.Ата-аналар«Нұр» дүкенінің алдына жаяу жүргінші жолағын салуды ұсынды. Сонымен қатар оқушылармен «Қауіпсіздік шеңбері»суреттер ,«Қауіпсіздік жолы» атты бейнероликтер байқауы,«Біз қауіпсіздіктеміз!» спорттық ойындар,«Біздің өміріміз қауіпсіз» дөңгелек үстел және « Біздің қауіпсіздігімізге кім жауапты» пікірсайыс өткізілді.