9 а,ә сынып оқушылары арасында «Қош келдің, әз наурыз» атты мерекелік сайыс болып өтті. Сынып жетекшілері: Абдыкашев Е.М. Кудашбаева А.З. Сайыс «Таныстыру», «Наурыз ұғымдары», «Салт-дәстүрім -салтанатым», «Ою ойғанның ойы ұшқыр», «Асығың алшысынан түссін», «Өнерлі өрге жүзер» кезеңдерінен тұрды. Оқушылар ауыл-ауыл болып өз топтарының аттарын қорғап, наурыз ұғымдарына байланысты сұрақтарға жауап берді, салт-дәстүрімізді ұлықтап, өз өнерлерін көрсетті. Береке мен бірліктің, мейірімнің мерекесі саналатын ұлық мерекені тойлауда жастарға тіл, мәдениет пен өнер, салт-дәстүрді насихаттай отырып, ұлттық тәрбие беру мақсаты көзделді. Сайыс оқушылардың бойына «Мәңгілік ел» құндылықтарын сіңіруге ықпал етті деген ойдамыз.