«Сәлем – сөздің анасы!!!» тақырыбында сәлемдесу апталығы

2019 жылдың 18 ақпаны күні мектебіміздің өзін-өзі басқару ұйымы мүшелері, атап айтқанда мектеп президенті Елемесұлы Қайсар және мәдениет министрі Иманжүсіп Күнсұлу дүйсенбілік саптық жиында «Сәлем – сөздің анасы!» тақырыбында 18 ақпан мен 22 ақпан аралығында апталық өткізілетіндігі туралы мәлімет берді. Өзін-өзі басқару ұйымы мүшелері барлық оқушыларға сәттілік тіледі. Елемесұлы Қайсар және мәдениет министрі Иманжүсіп Күнсұлу үлкен үзілісте оқушыларға «Амандасу әдебі», «Әр халықтың амандасу түрлері» тақырыбында бейнеролик көрсетілімін ұйымдастырды.

Мақсаты:

* Оқушыларды әдептілікке, адамдармен қарым-қатынас жасай білуге тәрбиелеу. Бабалардан қалған ұлағатты, ғибрат аларлық сөздерді балаларға ұғындыру;

* Халықтың салт-дәстүрімен таныстырып, өз халқының дәстүрі мен салтын, мәдениетін, әдет-ғұрпын үйрете отырып, бойларына сіңіру;

* Оқушыларға қазақ халқының сәлем беру, сәлем алу, сәлемдесу рәсімдерін айту арқылы «Алыстан сәлем береді, әдепті елдің баласы» атты нақыл сөз негізінде тәрбие беру.