2019 жылдың 16 ақпаны күні сағат 11.00-де «Бала тәрбиесі – үлкен бір ғылым» тақырыбында жалпы мектепішілік ата-аналар жиналысы өткізілді. Жиналысқа барлығы 105 ата-ана қатысты. Жиналысты мектеп директоры А.Т. Тусупова ашып, ата-аналарды жиналыстың күн тәртібімен таныстырып өтті. Күн тәртібіне қойылған мәселелер толығымен қаралды. Күн тәртібіндегі 1-ші мәселе бойынша мектеп директоры А.Т. Тусупова ата-аналарға І жарты жылдық бойынша есеп берді. Жиналыс барысында мектеп директоры А.Т. Тусупова ата-аналарға бала тәрбиесіне қатысты мектеп пен ата-ана болып бірлесіп жұмыстар атқару керектігін баса айтты. Сондай-ақ мектеп директоры мектеп мектеппен тығыз байланыса отырып, мектеп өміріне белсене ат салысып жүрген ата-аналарға алғысын білдірді. «Жаңа жыл» мерекесіне орай мектепте 0-4 сыныптар арасында өткізілген «Жаңа жылдық мүсіндер» атты сайысқа және «Гүлдер фестивалі» атты сайысқа белсене қатысқан ата-аналарға Алғыс хат пен арнайы мадақтамаларды табыстады. Әрі қарай ата-аналарға сәттілік тілеп, жиналысты жабық деп жариялады. Жиналыстың соңында мектебіміздің белсенді оқушыларынан құралған шығармашылық топ ата-аналарға арнап «Дұрыс тамақтануға байланысты» ертегі қойылымын көрсетіп, ән айтып жақсы көңіл-күй сыйлады.