25 қаңтар күні 7 «Ә» сыныбында Қазақстан тарихы пәнінен «Моңғол шапқыншылықтарының салдары» тақырыбында ашық сабақ болып өтті. Мақсаты: Қазақстан аумағындағы мемлекеттердің басқару жүйесінің ерекшеліктерін анықтау. Пән мұғалімі: Абдикаримова А.Б.

Сабаққа сыныптағы 18 оқушы түгел қатысты. Сабақ барысында үй тапсырмасын «Kahoot.kz» ойынымен бастады. Мақсаты: алдыңғы білім бойынша түсініктерін жүйелеу, сұрақ қою арқылы өткен тақырыппен байланыстыра отырып жаңа сабақтың тақырыбын анықтайды. «Сағат-дос» әдісі арқылы сынып оқушылары сағат бөліктері бойынша дос іздейді. Сағат 9.00-де «Қоғамдық құрылысы», Сағат 12.00-де «Шапқыншылық қарсаңындағы Қазақстан», сағат 15.00-де «Моңғолдардың Қазақстан аумағын жаулап алуының басталуы», Сағат 18.00-де «Ұлыстардың құрылуын» жұппен оқып, талдайды. «Шыңғысханның қолжеткізген жетістігі ненің арқасында?» тақырыбында бейне материалды көру барысында оқушыларға зерттеу сұрақтары беріледі. Оқушылар «Төрт сөйлем» әдісінде жаңа тақырып бойынша дәлел келтіріп, қорытынды жасай білді. Оқиға барысын көз алдына елестетіп оқушылар «Кейіпкерге хат» жаза отырып өз ойларын жеткізе білді. Оқушылар сабаққа қызығушылықпен аса белсенділікпен қатысты.