Қазақ тілі, әдебиет және қоғамдық пәндер әдістемелік бірлестігінде кітапханамен бірлескен ісшаралар жоспарланған. Соның бірі-алты алаштың ақиық ақыны Мағжан Жұмабаевтың 125 жылдығына арналған көрмені тамашалау. Ондағы басты мақсат: ақынның өнегелі өмірі мен шығармашылық мұрасын насихаттау арқылы жас буынның бойында отансүйгіштік, елжандылық қасиеттерді қалыптастыруға ықпал ету. Оқушылар көрмедегі ақын өмірі мен шығармашылығына қатысты материалдармен танысып,өлеңдерін оқыды.Ақынның өз сөзімен айтсақ, «арыстандай айбатты», «жолбарыстай қайратты», «қырандай күшті» жастарға сенген біртуар тұлға Мағжан сенімінің аманатын ақтауымыз үшін бұл шараның маңызы зор болды.